ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៏

សាររបស់រដ្ឋមន្ត្រី

សូមស្វាគមន៍មកកាន់គេហទំព័រផ្លូវការរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍!

ក្នុងនាមជារដ្ឋមន្ត្រី ខ្ញុំមានសេចក្តីសោមនស្សរីករាយ សូមស្វាគមន៍យ៉ាងកក់ក្តៅ​ចំពោះ​ការចូលទស្សនា​គេហទំព័រនេះ។ ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានបេសកកម្មអភិវឌ្ឍវិស័យ​ឧស្សាហកម្ម និងសហគ្រាសធុនមីក្រូ តូច និងមធ្យម (MSME) លើកកម្ពស់​សហគ្រិនភាព និងធានាការផ្គត់ផ្គង់ទឹកស្អាតប្រកបដោយ​និរន្តរ​ភាពនៅកម្ពុជា។

យើងក៏ទទួលស្គាល់នូវសារៈសំខាន់នៃវិទ្យាសាស្ត្រ បច្ចេកវិទ្យា និងនវានុវត្តន៍ ក្នុង​ការដោះ​​ស្រាយ​បញ្ហាប្រឈមក្នុងពិភពលោកនាពេលបច្ចុប្បន្ន។ តាមរយៈការវិនិយោគលើ​ការ​ស្រាវ​ជ្រាវ និងអភិវឌ្ឍ ព្រមទាំងការជំរុញកិច្ចសហប្រតិបត្តិការរវាងវិស័យសិក្សាធិការ សង្គមស៊ីវិល វិស័យឯកជន និងរដ្ឋាភិបាល យើងនឹងបង្កើតសមិទ្ធផលថ្មីៗ និងជំរុញកំណើនដែលផ្អែក​លើ​នវានុវត្តន៍។

គេហទំព័រនេះជាវេទិកាមួយ​ដែលផ្តល់ព័ត៌មានសំខាន់ៗអំពីគំនិត​ផ្តួចផ្តើម គោល​នយោបាយ កម្មវិធី និងសេវាកម្មរបស់យើង។ យើងនឹងធ្វើបច្ចុប្បន្នភាពគេហទំព័រនេះជាបន្តបន្ទាប់ ដើម្បី​ឱ្យលោកអ្នកងាយស្រួលក្នុងការស្វែងរកព័ត៌មាន និងធនធាននានា លើកកម្ពស់តម្លាភាព និងកៀរគរការចូលរួមពីភាគីពាក់ព័ន្ធរបស់យើង។ សូម​ស្វែង​រកព័ត៌មានពីផ្នែកផ្សេងៗនៃគេហទំព័រនេះ និងឱកាសជាច្រើនដែលកម្ពុជា​អាចផ្តល់ជូនលោក​អ្នក។

ខ្ញុំសូមលើកទឹកចិត្តដល់ភាគីពាក់ព័ន្ធទាំងអស់ រួមទាំងគ្រឹះស្ថានអាជីវកម្ម អ្នកសិក្សាស្រាវជ្រាវ
ប្រតិបត្តិករនវានុវត្តន៍ និងសហគ្រិន ឱ្យសហការជាមួយក្រសួង ​ក្នុងដំណើរ​ការ​កសាង​អនាគតមួយ​​ដ៏រស់រវើក ប្រកបដោយបរិយាប័ន្ន និងនិរន្តរភាព។

សូមអរគុណចំពោះការចូលទស្សនាគេហទំព័ររបស់យើង។ ខ្ញុំទន្ទឹងរង់ចាំការចូលរួម និងការគាំទ្រ​របស់​លោកអ្នកក្នុងចក្ខុវិស័យរួមរបស់យើង ក្នុងការអភិវឌ្ឍប្រទេសកម្ពុជា​ឱ្យកាន់តែមានភាពរុងរឿង មានកំណើនឧស្សាហកម្ម និងសហគ្រិនភាពកាន់តែល្អប្រសើរ៕

 

ហែម វណ្ណឌី
រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍

ព័ត៌មាន និងព្រឹត្តិការណ៍

វិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ និងវិទ្យាស្ថានគរុកោសល្យបាត់ដំបងចុះអនុស្សរណៈយោគយល់ ដើម្បីជំរុញកា

នៅថ្ងៃទី១៦ ខែកក្កដា ឆ្នាំ២០២៤ វិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍  និងវិទ្...

ក្រសួងឧស្សាហកម្មបើកវគ្គបណ្តុះបណ្តាលស្តីពីការគ្រប់គ្រងការបាត់បង់ទឹកលើកទី១ ដើម្បីពង្រឹងសមត្ថភាពរដ្ឋាករទឹកសាធារណៈ

នៅថ្ងៃទី១៦ ខែកក្កដា ឆ្នាំ២០២៤ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេក​វិ...