ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ជួបឯកឧត្ដមឯកអគ្គរដ្ឋទូតបារាំងប្រចាំកម្ពុជា

ក្នុងជំនួបសម្តែងការគួរសមនិងពិភាក្សាការងារ រវាង ឯកឧត្ដម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយ ឯកឧត្តម Jacques PELLETឯកអគ្គរដ្ឋទូត បារាំងប្រចាំកម្ពុជា រួមជាមួយតំណាងទីភ្នាក់ងារបារាំងសម្រាប់ការអភិវឌ្ឍន៍​ (AFD) នារសៀលថ្ងៃទី ០៧​ ខែធ្នូ​ ឆ្នាំ ២០២២ នៅទីស្តីការក្រសួង ដៃគូសន្ទនា បានផ្តោតការយកចិត្តទុកដាក់ ទៅកិច្ចពង្រឹងទំនាក់ទំនងលេី វិស័យមួយចំនួន ដូចជា៖វិស័យ ទឹកស្អាត វិស័យវិទ្យាសាស្ត្រ បច្ចេកវិទ្យា និងនវានុវត្តន៍ វិស័យឧស្សាហកម្ម និងការទាក់ទាញការវិនិយោគ​ ។ ​ល។

ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានសម្តែងការស្វាគមន៍ និងលេីកឡេីងពីទំនាក់ទំនង និងកិច្ចសហការ​ល្អប្រសើរ រវាងកម្ពុជា​-បារាំង​ ជាពិសេសទាក់ទងនឹងជំនួយនិងកម្ចីអភិវឌ្ឍរបស់បារាំង​នៅកម្ពុជា ។ ក្នុងនោះជាមួយក្រសួងឧស្សាកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ប្រទេសបារាំងតាមរយៈទីភ្នាក់ងារបារាំងដើម្បីអភិវឌ្ឍន៍ (AFD) បានដេីរតួយ៉ាងសំខាន់លេីវិស័យទឹកស្អាត មានទាំងគម្រោងដែលបានអនុវត្តហេីយ​ គម្រោង​កំពុងអនុវត្ត​ និងគម្រោងកំពុងស្នេីសុំជាដេីម​ ។ តែទោះជាយ៉ាងណាក្រសួងពិតជាត្រូវការជំនួយ និងកម្ចីអភិវឌ្ឍបន្ថែមទៀត ជាពិសេសការផ្គត់ផ្គង់តម្រូវការប្រជា​ពលរដ្ឋក្នុងរាជធានីភ្នំពេញ ដែលកំពុងមាន​វិសាល ភាពធំធេង ដោយមូលហេតុរាធានីភ្នំពេញត្រូវបាន ពង្រីកផ្ទៃក្រឡាដីរដ្ឋបាលរបស់ខ្លួនកាន់តែធំ ក៏ដូចជា ទីប្រជុំជនដ៏ទៃទៀត ។ កត្តានេះឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី​ ចម​ ប្រសិទ្ធ​ បានស្នេីឲ្យភាគី​បារាំង​ពិនិត្យលទ្ធភាព​ ផ្តល់​គម្រោង​សាសង់ប្រព័ន្ធផ្គត់ផ្គង់ទឹកស្អាតបាក់ខែងជំហានទី៣មួយទៀត​ដេីម្បី​បន្ថែម​ការផ្គត់ផ្គង់ដល់ប្រជាពលរដ្ឋក្នុងរាជធានីភ្នំពេញដែលកំពុងមានកំណេីនកេីនឡេីង​ ក៏ដូចជាគោល​នយោបាយការផលិតទឹកលក់ដុំបន្តដល់វិស័យឯកជន​ ដេីម្បីឲ្យកម្ពុជាឈានទៅសម្រេចបាននូវគោលនយោបាយអភិវឌ្ឍវិស័យទឹកស្អាតសម្រាប់ឆ្នាំ២០២៥​ និងឆ្នាំ២០៣០ ។ ទាក់ទងវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ (STI) ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានស្នេីឲ្យប្រទេបារាំង​ ពិនិត្យលទ្ធភាព ជួយពង្រឹងអគ្គនាយកដ្ឋាន​ និងវិទ្យាស្ថានជាតិ វិទ្យាសាស្ត្រ បច្ចេកវិទ្យា និង នវានុវត្តន៍ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តាមរយៈការ​បណ្តុះបណ្តាលពង្រឹងសមត្ថភាពធនធាន​មនុស្ស ការផ្ទេរ​បច្ចេកវិទ្យា​ និងបំពាក់ឧបករណ៍ពិសោធន៍ជាដេីម។ ពាក់ព័ន្ធនឹងវិស័យវិនិ​យោគ ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី បានស្នេីអោយភាគីបារាំងចាប់អារម្មណ៍ការវិនិយោគបន្ថែម​ទៀតនៅកម្ពុជា​ ដោយឯកឧត្តម​បានលេីកឡេីងពីកត្តាអំណោយផល​និងភាពនុគ្រោះពាណិជ្ជកម្មរបស់កម្ពុជា ។ ក្នុងនោះឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី​ ទាញអារម្មណ៍ការផលិតយាន​យន្តប្រេីដោយថាមពលអគ្គិសនី​ ដែលជានិន្នកាថ្មីសម្រាប់ពិភពលោកនាពេលបច្ចុប្បន្ន​ ។

ឯកឧត្ដម Jacques PELLET ឯកអគ្គរដ្ឋទូត បារាំង ប្រចាំកម្ពុជា និងតំណាងទីភ្នាក់ងារបារាំង​ AFDបាន បង្ហាញនូវជំហររបស់ប្រទេសបារាំង ក្នុងការសហការគាំទ្រការអភិវឌ្ឍន៍នៅកម្ពុជា ។ ក្នុងនោះភាគីបារាំងក៏បានមេីលឃេីញពីសារៈសំខាន់ ក្នុងការអភិវឌ្ឍវិ​ស័យទឹកស្អាត ដែលកំពុងមានតម្រូវការខ្លាំងនៅកម្ពុជា និងចាប់អារម្មណ៌ខ្ពស់ទៅលេីកិច្ចសហការអភិវឌ្ឍ​វិស័យ វិទ្យាសាស្ត្រ បច្ចេកវិទ្យា និងនវានុវត្តន៍ ដែល​ជាវិស័យចម្បងមួយសម្រាប់ជុំរុញកំណេីនសេដ្ឋកិច្ចសម័យទំនេីប​ ក្នុងបដិវត្តន៍ឧស្សាហកម្មជំនាន់ទី៤​យេីងនេះ​ ។​ ក្នុងនោះភាគីទាំងពីរក៏នឹងត្រៀមរៀបចំឲ្យមានការចុះអនស្សារណៈយោគយល់គ្នា​នាពេលខាងមុខសម្រាប់សហការពង្រឹងវិស័យ​វិទ្យាសាស្ត្រ​ បច្ចេកវិទ្យា​ និងនវានុវត្តន៍​ ផងដែរ​ ។