ពិធីសម្ពោធដាក់ឲ្យប្រេីប្រាស់ជាផ្លូវការរោងចក្រប្រព្រឹត្តិកម្មទឹកស្អាតម្លេច ខេត្តកំពត
ពិធីសម្ពោធដាក់ឲ្យប្រេីប្រាស់ជាផ្លូវការរោងចក្រប្រព្រឹត្តិកម្មទឹកស្អាតម្លេច ខេត្តកំពត
យោងតាមការចង្អុលបង្ហាញក្នុងទស្សនៈវិស័យគិតគូវែងឆ្ងាយនិងប្រកបដោយគតិបណ្ឌិតរបស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ក្នុងពិធីចុះសួរសុខទុក្ខ និងសំណេះសំណាលជាមួយនាយទាហាន នាយទាហានរង ពលទាហាន ក្នុងកងពលតូចអន្តរាគមន៍លេខ១១ នាឱកាសបុណ្យចូលឆ្នាំប្រពៃណីជាតិខ្មែរ កាលពីថ្ងៃទី ០៩ ខែមេសា ឆ្នាំ២០១៦ កន្លងទៅ បានជំរុញឲ្យរដ្ឋាករទឹកស្វយ័តក្រុងភ្នំពេញចុះធ្វេីការសិក្សាសមិទ្ធិលទ្ធភាព រៀបចំគម្រោងស្នេីសុំការអនុម័តពីក្រុមប្រឹក្សាភិបាលដេីម្បីត្រួសត្រាយផ្លូវឆ្ពោះទៅធ្វេីការសាងសង់រោងចក្រប្រព្រឹត្តិកម្មទឹកស្អាត នៅក្រៅក្របខណ្ឌរាជធានីភ្នំពេញជាលេីកទី១ ដែលមានទីតាំងស្ថិតនៅ ភូមិបាក់នឹម ឃុំច្រេស ស្រុកជុំគីរី ខេត្តកំពតសំដៅរួមចំណែកពង្រីកវិស័យផ្គត់ផ្គង់ទឹកស្អាតជូនដល់ប្រជាពលរដ្ឋដែលរស់នៅជុំវិញ ជាពិសេសកងពលតូចអន្តរាគមន៍លេខ១១ ។
ដេីម្បីបានប្រេីប្រាស់ជាផ្លូវការ នៅព្រឹកថ្ងៃទី១០ ខែឧសភា ឆ្នាំ២០២២ រោងចក្រប្រព្រឹត្តិកម្មទឹកស្អាតនេះ ត្រូវបានប្រារព្វពិធីសម្ពោធក្រោមអធិបតីភាពឯកឧត្ដម សុឹម សុីថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។
តាមប្រសាសន៍ឯកឧត្តមអនុបណ្ឌិត ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ បានបញ្ជាក់ថា រោងចក្រប្រព្រឹត្តិកម្មទឹកស្អាត " ម្លេច" និងប្រព័ន្ធចែកចាយទឹក ព្រមទាំងហេដ្ឋារចនាសម្ព័ន្ធ ចាប់ផ្តើមសាងសង់ នៅថ្ងៃទី ២៤ ខែធ្នូ ឆ្នាំ២០១៨ និងបញ្ចប់ដំណេីរការសាកល្បងផលិតទឹកស្អាតនៅថ្ងៃទី០៩ ខែមិថុនា ឆ្នាំ២០២០ ដោយចំណយថវិកាប្រមាណ១០ពាន់៦៦០លានរៀល មានសមត្ថភាពផលិតទឹកស្អាតបាន ២ពាន់ម៉ែតត្រីគុណ ក្នុងមួយថ្ងៃ ។
ឯកឧត្តម អុឹង ឆាយ អភិបាលរង នៃគណៈអភិបាលខេត្តកំពត ក្នុងនាមអាជ្ញាធរដែនដី និងក្នុងនាមឯកឧត្តមផ្ទាល់ បានសម្តែងការស្វាគមន៍ ចំពោះវត្តមានជាអធិបតីភាពរបស់ឯកឧត្តម រដ្ឋលេខាធិការ សុឹម សុីថា និងគោរពថ្លែងអំណរគុណ ដល់ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ក្នុងនាមជាប្រធានស្ថាប័ន បានដឹកនាំ តម្រែតម្រង់ទិស ដោយបានខិតខំប្រឹងប្រែងគៀងគរធនធាន សម្របសម្រួល និងសហប្រតិបត្តិការជាមួយដៃគូអភិវឌ្ឍន៍នានាទាំងក្នុងនិងក្រៅប្រទេស ដេីម្បីទទួលបាននូវជំនួយនានា យកមកធ្វេីការអភិវឌ្ឍវិស័យទឹកស្អាតនៅកម្ពុជា ជាពិសេសនៅខេត្តកំពតជាបន្តបន្ទាប់មកនេះ ។
ឯកឧត្តម សុឹម សុីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តំណាងដ៏ខ្ពង់ខ្ពស់ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានបញ្ជាក់ថា៖នេះជាសមិទ្ធិផលមួយទៀតរបស់រាជរដ្ឋាភិបាល ក៏ដូចជារដ្ឋបាលខេត្តកំពត ដែលបានកេីតឡេីងក្រោមគំនិតផ្តួចផ្តេីមរបស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តីរដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ផ្អែកលើគោលការណ៍ដឹកនាំដ៏ខ្ពង់ខ្ពស់ប្រកបដោយគតិបណ្ឌិត និងចក្ខុវិស័យមុតស្រួចរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ហេីយត្រូវបាន
ចាត់ចែងអនុវត្តសាងសង់ដោយអង្គភាពរដ្ឋាករទឹក
ស្វយ័តក្រុងភ្នំពេញសំដៅឆ្លេីយតបទៅនឹងតម្រូវការចាំបាច់របស់ប្រជាពលរដ្ឋនៅតំបន់នេះ រាប់ទាំងប្រជាពលរដ្ឋដែលនៅទីប្រជុំជនក្បែរនោះ ក្នុងភូមិសាស្ត្រខេត្តតាកែវផងដែរ ។ លេីសពីនេះក៏បានជួយបំពេញនូវសេចក្តីត្រូវការទឹកស្អាតជូនដល់មជ្ឈមណ្ឌលព្យាបាល និងស្តារនីតិសម្បទា និងកងទ័ពរបស់យេីងក្នុងកងពលតូចថ្មេីជេីងលេខ៣១ (អតីតកងពលតូចអន្តរាគមន៍លេខ១១) ដែលកំពុងឈរជេីងការពារ ថែរក្សាសុខសន្តិភាពជាមួយនឹងការអភិវឌ្ឍនៅតំបន់នេះថែមទៀត ។