ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ប្រគល់អំណោយមនុស្សធម៌ទទួលបានពីFASMEC ជូនដល់សាលារាជធានីភ្នំពេញ ដេីម្បីចាត់ចែងបន្តសម្រាប់ឧបត្ថម្ភពលរដ្ឋ ក្នុងតំបន់បិទខ្ទប់ជំងឺកូវីដ១៩
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ប្រគល់អំណោយមនុស្សធម៌ទទួលបានពីFASMEC ជូនដល់សាលារាជធានីភ្នំពេញ ដេីម្បីចាត់ចែងបន្តសម្រាប់ឧបត្ថម្ភពលរដ្ឋ ក្នុងតំបន់បិទខ្ទប់ជំងឺកូវីដ១៩
-----------
ទឹកប្រាក់ចំនួន ១២១.៦៩៤.០០០រៀល -សាប៊ូចំនួន៣០០ កញ្ចប់-ទឹកត្រី ទឹកស៊ីអ៊ីវ ចំនួន៦០០០ដប-ទឹកបរិសុទ្ធហាយតិចចំនួន២០០កេស-ពងពាន់ចំនួន២០០០គ្រាប់-មាន់សាច់១០០ក្បាល-សាច់កែច្នៃ១០០គីឡូក្រាម-សាច់ក្រកអប់ផ្សែងស្បែកស្រួយ៥០កញ្ចប់ -និងមាន់អាំង៥០ កញ្ចប់ ដែលក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ទទួលបានពីសម្ព័ន្ធសមាគមសហគ្រាសធនតូចនិងមធ្យម (FASMEC ) ក្រោមអធិបតីភាព ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅទីស្តីការក្រសួង កាលពីព្រឹកថ្ងៃទី ២១ ខែ ឧសភា ឆ្នាំ ២០២១ កន្លងទៅនេះ ។ ជាក់ស្តែងនៅថ្ងៃទី ២៤ ខែឧសភា ឆ្នាំ២០២១នេះ ដោយមានការចាត់ចែងសម្របសម្រួលពីមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រាជធានីភ្នំពេញដែលមានលោក នេត មុនីប៉ុណ្ណាការ ជាប្រធាន នៅសាលារាជធានីភ្នំពេញ ត្រូវបានរៀបចំពិធីប្រគល់ ទទួលជំនួយបន្ត ធ្វេីឡេីងនៅសាលារាជធានីភ្នំពេញរវាងឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ និងឯកឧត្តម ឃួង ស្រេង អភិបាលនៃគណ:អភិបាលរាជធានីភ្នំពេញ ។ ដោយឡែកលោកឧកញ៉ា តែ តាំងប៉ ប្រធាន FASMEC ក៏មានវត្តមានចូលរួមនាឱកាសនោះផងដែរ ។
ស្ថិតក្នុងឱកាសនោះ ទាំងឯកឧត្ដម គណ:អធិបតី និងតំណាងម្ចាស់ជំនួយ បានសម្តែងចេញនូវសមានចិត្តរីករាយនិងមនុស្សធម៌ក្នុងការរួមចំណែកជាមួយរាជរដ្ឋាភិបាល និងប្រមុខដឹកនាំប្រទេសសម្តេចតេជោ នាយករដ្ឋមន្ត្រីក្នុងស្មារតីខ្មែរជួយខ្មែរ ក្នុងកាលៈទេសៈវិបត្តិកូវីដ១៩ នេះ ហេីយនឹងខិតខំបន្តរួមគ្នាទៅមុខទៀត ដេីម្បីជួយដោះស្រាយបន្ទុកប្រជាពលរដ្ឋដែលកំពុងស្ថិតក្នុងតំបន់រាំងខ្ទប់ ជាពិសេសតំបន់ក្រហម ។