ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ ផ្តល់ជូនអំណោយជាម៉ាស់ចំនួន១ម៉ឺន និងទឹកអាល់កុលចំនួន៣០០លីត្រ ដល់រដ្ឋបាលខេត្តកំពង់ស្ពឺ

-------------------------------

នៅព្រឹកថ្ងៃទី ០៥ ខែមិថុនា ឆ្នាំ២០២១ នៅមណ្ឌលចត្តាឡីស័ក សំរោងទង ខេត្តកំពង់ស្ពឺ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រួមជាមួយថ្នាក់ដឹកនាំនិងមន្ត្រីក្រោមឱវាទក្រសួង បាននាំយកអំណោយជាម៉ាស់ចំនួន១មុឺនម៉ាស និងទឹកអាល់កុលចំនួន១០កាន ស្មេីនឹង៣០០លីត្រ ជូនដល់រដ្ឋបាលខេត្តកំពង់ស្ពឺ ដឹកនាំដោយឯកឧត្តម វៃ សំណាង អភិបាលនៃគណ:អភិបាលខេត្តកំពង់ស្ពឺ ចូលរួមដោយលោកប្រធានមន្ទីរសុខាភិបាលខេត្ត និងមន្ត្រីក្រោមឱវាទមួយចំនួន ។ អំណោយទាំងអស់នេះ គឺដេីម្បីចូលរួមទប់ស្កាត់ការរីករាលដាលនៃជំងឺកូវីដ១៩ ជាពិសេសវិធានការ“០៣កុំ ៣ ការពារ“ របស់ប្រមុខរាជរដ្ឋាភិបាល ហេីយដែលឯកឧត្តមអភិបាលខេត្តបានថ្លែងអំណរគុណយ៉ាងជ្រាលជ្រៅ នូវជំនួយដ៏មានសារ:សំខាន់នេះ ។ ដោយឡែក លោកនួន សុភ័ណ្ឌ ប្រធានមន្ទីរ ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្ត កំពង់ស្ពឺ នាឱកាសនោះក៏បានឧបត្ថម្ភនូវម៉ាសចំនួន ៥ពាន់ម៉ាស់ ដល់ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ ដេីម្បី បន្តចែកជូនដល់តំបន់គោលដៅមួយចំនួនទៀត តាមតម្រូវការជាក់ស្តែង ។ ជាមួយគ្នានេះ ឯកឧត្ដមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ និងប្រតិភូអមដំណេីរក៏បានអញ្ជេីញចុះពិនិត្យការតបណ្តាញទឹកស្អាតសម្រាប់ការប្រេីប្រាស់ក្នុងមណ្ឌលចត្តាឡីស័កសំរោងទងផងដែរ ។