សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នឹងអញ្ជើញជាអធិបតីក្នុងពិធីសម្ពោធដាក់ឱ្យដំណើរការ “ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ” នៅថ្ងៃទី១៦ ខែធ្នូ ឆ្នាំ២០២៤។ សហគ្រាសធុនមីក្រូ,បុគ្គលិកនៃសហគ្រាសធុនមីក្រូ, បុគ្គលស្វ័យនិយោជន៍, និងកម្មករ-និយោជិតម្តងម្កាល អាចចុះឈ្មោះលើថ្នាលឌីជីថលនេះ តាមរយៈកម្មវិធីទូរសព្ទដៃ តាមវិបផតថល និងតាមភ្នាក់ងារចុះឈ្មោះ ដូចជាច្រកចេញចូលតែមួយនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ដន៍, ធនាគារ SME Bank, ធនាគារ ARDB, ធនាគារ ABA, ធនាគារ ACLEDA, ធនាគារ Wing និងមានដៃគូចុះឈ្មោះផ្សេងៗទៀតនាពេលអនាគត។

ដើម្បីចុះឈ្មោះជាអ្នកសេដ្ឋកិច្ចក្រៅប្រព័ន្ធ សូមចូលទៅកាន់គេហទំព័រ https://informal.digitaleconomy.gov.kh/km 

ឬ

ស្កេន QR Code ខាងក្រោម ដើម្បីទាញយកកម្មវិធីទូរសព្ទដៃ។