ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ ជួបឯកឧត្ដមឯកអគ្គរដ្ឋទូតអូស្ត្រាលីប្រចាំកម្ពុជា ដែលនឹងចប់អណត្តិ

នៅរសៀលថ្ងៃទី ១៦ ខែធ្នូ ឆ្នាំ២០២២ ឯកឧត្ដមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ បានទទួលជួបឯកឧត្ដម Pablo Kang ឯកអគ្គរដ្ឋទូតអូស្ត្រាលីប្រចាំកម្ពុជា ដែលនឹងចប់អណត្តិនាពេលខាមុខ ដេីម្បីសម្តែងការគួរសម ជម្រាបលា និងពិភាក្សាការងារ នៅទីស្តីការក្រសួង ។

ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានសម្តែងការស្វាគមន៍ និងវាយតម្លៃខ្ពស់ចំពោះបេសកកម្មកាទូតរបស់ឯកឧត្តមPablo Kang រយៈពេល ៣ឆ្នាំនៅកម្ពុជា ក្នុងការពង្រឹងទំនាក់ទំនង និងកច្ចសហការយ៉ាងល្អប្រសេីរ ។ ក្នុងនោះជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តាមរយៈអង្គការ 3i (ទ្រីអាយ) អូស្ត្រាលី បានដេីរតួរយ៉ាងសំខាន់លេីវិស័យទឹកស្អាត ។ ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ក៏បានថ្លែងអំណរគុណ យ៉ាងជ្រាលជ្រៅដល់ប្រទេសអូស្ត្រាលី ដែលបានរួមចំណែកយ៉ាងសកម្មក្នុងដំណេីរការស្វែង

រកសន្តិភាពនៅកម្ពុជា ការផ្តល់ជំនួយអភិវឌ្ឍ ជំនួយបច្ចេកទេស និងការអភិវឌ្ឍន៍វិស័យហេដ្ឋាររចនាសម្ព័ន្ធជនបទ ជាដេីម តាមរយៈអង្គការនានារបស់អូស្ត្រាលី រួមមានដូចជា៖Ausaid និង ទ្រីអាយ (3i) ជាដេីម ហេីយនៅពេលថ្មីៗនេះ ប្រទេសទាំងពីរ ទេីបដាក់ចេញនូវកម្មវិធីភាពជាំដៃគូកម្ពុជា-អូស្ត្រាលី សម្រាប់ការអភិវឌ្ឍន៍សេដ្ឋកិច្ចប្រកបដោយភាពធន់ (CAP-RED) ដោយមានការគាំទ្រមូលនិធិពីប្រទេសអូស្តាលីមានរយៈពេល៥ឆ្នាំ ហេីយបានធ្វេីការជាសំខាន់លេីសរសរស្តម្ភចំនួន៣ គឺៈកសិកម្ម ពាណិជ្ចកម្ម វិនិយោគ និងសេវារចនាសម្ព័ន្ធ ។

ឯកឧត្ដម Pablo Kang ឯកអគ្គរដ្ឋទូតអូស្ត្រាលីប្រចាំកម្ពុជាដែលនឹងចប់អណត្តិនាពេលខាងមុខ បានវាយតម្លៃខ្ពស់ និងថ្លែងអំណរគុណចំពោះកិច្ចសហការដ៏ល្អប្រសេីរពីគ្រប់ភាគីពាក់ព័ន្ធកម្ពុជា ដែលធ្វើឲ្យការបំពេញបេសកកម្មរបស់ឯកឧត្តមសម្រេចបានជោគជ័យ ។ ក្នុងនោះជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ យេីងបានសហការលេីវិស័យជាច្រេីន ដូចជា៖វិស័យទឹកស្អាត ការអភិវឌ្ឍន៍វិស័យសហគ្រាសធុនតូច និងមធ្យម និងហេដ្ឋារចនាសម្ព័ន្ធគុណភាព ។ ល ។

ដោយសារបញ្ហាទឹកស្អាត ជាកត្តាអាទិភាពដេីម្បីសម្រេចបានតាមគោលដៅអភិវឌ្ឍសម្រាប់ឆ្នាំ២០២៥ និង២០៣០ ដៃគូសន្ទនា បានពិភាក្សាផ្តោតជាសំខាន់លេីវិស័យនេះ ដោយឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ សង្ឃឹមថា៖ឯកអគ្គរដ្ឋទូតថ្មីអូស្ត្រាលី នឹងបន្តកិច្ចសហការលេីវិស័យទឹកស្អាតនេះ និងវិស័យពាក់ព័ន្ធនានា រួមទាំងការវិនិយោគ ដែលឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានផ្តល់សារៈសំខាន់ទៅលេីការវិនិយោគ ផ្នែកបច្ចេកវិទ្យាជាន់ខ្ពស់ (Hi-Tech investment) ផ្នែកអេឡិចត្រូនិក និងយានយន្តដេីរដោយថាមពលអគ្គិសនី ជាដេីម ។