អស់រយៈពេលជាង ១៨ ខែកន្លងមកនេះ ក្រសួង-ស្ថាប័នពាក់ព័ន្ធបានចូលរួមអនុវត្ត “យុទ្ធសាស្ត្រជាតិស្តីពីការអភិវឌ្ឍសេ​ដ្ឋកិច្ចក្រៅប្រព័ន្ធ” ប្រកបដោយស្មារតីបុរេសកម្ម និងការទទួលខុសត្រូវខ្ពស់ ដែលញ៉ាំងឱ្យសម្រេចបានលទ្ធផលគួរជាទីមោទនៈ។ 

គិតត្រឹមថ្ងៃទី០២ ខែមិថុនា ឆ្នាំ២០២៥ មានបងប្អូនអ្នកសេដ្ឋកិច្ចក្រៅប្រព័ន្ធចំនួន ៨០.៤២១នាក់បានស្នើសុំចុះឈ្មោះ ដោយក្នុងនោះ អ្នកសេដ្ឋកិច្ចក្រៅប្រព័ន្ធដែលចុះឈ្មោះជាកម្មករ-និយោជិតមានចំនួន ៣.២៤៦ សហគ្រាសធុនមីក្រូចំនួន ១.៧៧៣ និងបុគ្គលស្វ័យនិយោជន៍ចំនួន ៧៥.៤០១។

យុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ គឺជាឧបករណ៍យុទ្ធសាស្ត្រដ៏សំខាន់របស់​​រាជរដ្ឋាភិបាល​​ដែលបានផ្តោតលើការលើកកម្ពស់លទ្ធភាព និងប្រសិទ្ធភាពនៃការធ្វើសមាហរ័ណ​អ្នកសេដ្ឋកិច្ចក្រៅ​ប្រព័ន្ធទៅជាអ្នកសេដ្ឋកិច្ច​ក្នុងប្រព័ន្ធប្រកបដោយចីរភាព និងអាចចូលរួមចំណែកយ៉ាងសកម្មក្នុងកំណើនសេដ្ឋកិច្ចជាតិ។