ដើម្បីលើកទឹកចិត្ត និងសម្រួលដល់ដំណើរការស្នើសុំអាជ្ញាបណ្ណប្រើសញ្ញាចុះបញ្ជីផលិតផល (ច.ប.ផ.) ក្រសួងឧស្សាហម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរៀបចំយុទ្ធនាការផ្សព្វផ្សាយជំរុញការស្នើសុំអាជ្ញាបណ្ណ ច.ប.ផ. ដល់ក្រុមហ៊ុនផលិត ក្រុមហ៊ុននាំចូលទំនិញ និងធុរជនទាំងអស់ ដែលយុទ្ធនាការនេះដំណើរការពីថ្ងៃទី២៧ ខែតុលា ឆ្នាំ២០២៥ រហូតដល់ថ្ងៃទី៣១ ខែធ្នូ ឆ្នាំ២០២៦។

ក្រសួងមានវិទ្យាស្ថានស្តង់ដារកម្ពុជា ជាសេនាធិការ បានកែសម្រួល និងរៀបចំផ្ដល់កញ្ចប់លើកទឹកចិត្ត ដូចបានបញ្ជាក់ក្នុងសេចក្តីជូនដំណឹង។

សម្រួលនីតិវិធី កាត់បន្ថយរយៈពេល និងឯកសារតម្រូវ

បញ្ចុះតម្លៃសេវាសម្រាប់ការស្នើសុំចុះបញ្ជីផលិតផលច្រើនមុខក្នុងពេលតែមួយ

ផ្តល់ក្រុមគាំទ្រពិសេស សម្រាប់ផ្តល់សេវា ប្រឹក្សា និងព័ត៌មានបន្ថែម

ចុះបញ្ជីផលិតផល ដើម្បីពង្រឹងគុណភាព ទំនុកចិត្ត និងពង្រីកទីផ្សារទំនិញនៅកម្ពុជា

ព័ត៌មានបន្ថែម៖ ០៨១ ៨៩៨ ៤៥០ (ទូរសព្ទ ឬតេឡេក្រាម)